رواية الروح المنكسرة الفصل الرابع عشر 14 بقلم لولو وائل
البارت الرابع عشر
سامح:نعم يا سليم بيه
سليم:البت دى تتحط فى المحزن وتروقوها بس ترويقه من الاخر
سامح:امرك يا سليم بيه
واخذها سامح الى المخزن كمان امر سليم وانهال عليها رجال بضرب حتى فقدت الوعي وكانت تنزف بشده
ونظر يوسف لسليم بعتاب
سليم بغضب:متبصليش كده انا مش هسكت الا لما اخد حق عمى منها انا ماااشى
يوسف:ربنا معاكى يا بنتى مش عارف أصدق ان واحده زيك تقتل بصراحه
••••••••••••••
فى اليوم الثانى حاولت روح فتح عيناها وهى متألمه جدا
روح ببكاء:ااااه يارب انا تبعت والله مبقتش قادره اتحمل كل ده انا مبقاش فياا القوه انى اتحمل الضرب والاهانه دى كلها نفس اعيش مرتااااحه كفايااااا بقى كفايااااا .
سليم:بتزعقى ليه يابت اخرسى خالص بدل ما اديك ترويقه تانيه
روح:ادينى خلااص مبقاش فارق معايا والله انا نفس اموت وارتاح بجد من كل ده تعرف الموت هيبقى راحه لياا لان مشوفتوش حاجه من الدنيا دى تخليني اعيش والله بكلمك جد انا واحده مكتبلى الحزن والقهر والوجع وبس مش مكتوبلى افرح ولا اعيش زى اى بنت اعيش مبسوطه وفرحانه وسط عيله اضرربنى تانى ولا اقولك موتى خلصنى بالله عليك ماالعذاب الى انا فى ده
سليم بكره واستهذاء:الى شوفك يقول البت شافت عذاب كتير اوى فى حياتها وانتى واحده ردت سجون وقتالة قتله
روح ببكاء بهستريا: مقاااااتلتش حددد كفايااااا بقى انااا بريئه والله العظيم بريئه انت فين يا باباااااا تعالى خدنى من هناااااا سبتنى ليه سبتنى ليه يا بابااااااا
تركها سليم وذهب
••••••••••••
كارما:اسر انا خايفه اوى على روح مكلمتنيش خالص انهارده واتصلت بيها ومش بترد
اسر: ممكن تكون عندها شغل كتير اهدى انتى بس
كارما:طب ممكن بعد ما تخلص الشغل تعدى عليها فى الشركه وتجبها
اسر:حاضر
وذهب اسر الى الشركه
وأتى كارما اتصال من نور
كارما :ازيك يا بنتى اخبارك اى
نور:الحمدلله انا كويسه وانتى اخبارك اى
كارما :الحمدلله يابنتى
نور:بقولك اى متعرفيش حاجه عن روح بكلمها من الصبح مش بترد.
كارما:وانا برضو يابنتى كلمتها ومش بترد قولت لأسر يعدى عليها فى الشركه بعد ما يخلص ويجبها
نور:ابقى طمنيني عليها لحسن انا هموت من القلق عليها
كارما:حاضر يابنتى خلى بالك على نفسك
نور :حاضر سلام
كارما:سلام
••••••••••••••
وذهب سليم الى الشركه
يوسف:مالك يا سليم
سليم :انا بس مستغرب البت دى بقولها هضربك تانى بتقولى اضربني وكأنها خلاص مبقاش فارق معاها حاجه
يوسف:والله انا مبقتش فاهم اى حاجه ولا حتى متأكد من كلام نهى
سليم:نهى مش بتجيب حاجه غلط ابدا انا واثق فيها
يوسف:ربنا يستر والبت عملت فيها اى
سليم بإبتسامه:روقت عليها شوايه
يوسف:عارفها الابتسامه دى يبقى دشملتها
سليم:حاجه زى كده
يوسف:ربنا يكون فى عونك يابنتى كان نفسى اساعدك والله
•••••••••••••
فى مكان اخر خارج البلد
مجهول:انا لازم ارجع مصر وكفر عن ذنبى ذنب السنين الى فاتت الى دمرت بيها حيات البنت علشان خاطر قذرتى وربنا عقبنى عقاب شديد اوى ولازم قبل ما اموت اكفر عن ذنبى ده
فى مخزن سليم
روح جالسه تنظر فى الفراغ والحزن والتى بداخلها والذى ليس له نهايه والألم الذى تشعر به ليس من الضرب بل من هذه الحياه الظالمه التى قست عليها منذ ما ان كانت طفله بريئه ومازالت تقسى عليها بشده ولا تدعها تفرح ابدا
سامح:انتى مش بتاكلى ليه
روح: مليش نفس لاى حاجه سبنى فى حالى لو عايزه تضرب ادينى قاعده اهو او اتكل على الله
سامح:عايزه تفهميني ان الضرب بالنسبالك عادى
روح:ههههههه ده بقى حياتى خلاص انا مبقاش بعيش او يومى يعدى من غير ضرب
سامح:انتى اتجننتى رسمى
•••••••••••••
وذهب اسر لشركة سليم لأخذ روح
اسر:ازيك يا سليم بيه
سليم:الحمدلله وانت عامل اى يا اسر
اسر:انا الحمدلله وهى فين رو
وتذكر اسر ان هنا تمسى حور وليس روح بناء على خطة ولدته
اسر:أومال فين حور مشوفتهاش بره
سليم:مشتها من الشغل وبعدين انت تعرفها منين
اسر:هاا أصدقاء بس مشتها ليه
سليم : أصدقاء ولا بتحبها
اسر:وهتفرق معاك وكمان مجوبتش على سؤالى
سليم بضيق لايعرف سببه:هيفرق معايا فى اى يعنى مشيتها علشان مش ملتزمه بمواعيدها
اسر:ماشى انا همشى بقى
سليم:تمام
وخرج اسر ولاحظ يوسف وجود اسر وذهب ليسأل سليم
يوسف:اسر جه ليه
سليم:كان بيسأل عن حور
يوسف:وده اى علاقته بيها ده
سليم بضيف:حبيبها او صديقها ملناش دعوه بيهم
يوسف:وانت زعلان ليه تكونش غيران
سليم:هغير على واحده ردت سجون وكمان قتلت شخص
يوسف:والله انا عندى احساس انها بريئه وانت ظالمها
سليم: انا مبظلمش حد
يوسف:هنشوف كل حاجه هتبان اكيد
•••••••••••
وذهب اسر لبيت روح وسأل البواب عنها وعرف انها لم تأتى للمنزل من يوم أمس وذهب وهو خائف على روح ولا يعرف سبب اختفائها
كارما:ها يا اسر فين روح
اسر:روحت المكتب وسليم قالى مشاها من المكتب علشان مش ملتزمه وروحت بيتها البواب قالى انه مجتش من امبارح انا هتجنن هتكون راحت فين
كارما بخوف:اكيد سليم عمل فيها حاجه انا حاسه انها فى خطر
اسر:وهنعمل اى طيب دلوقتى انا حاسس ان دماغى هتنفجر
كارما:انا هكلم سميره واسألها
اسر:ماشى
•••••••••••••••••••
سميره:دى كارما هرد فى الاوضه احسن
وذهبت سميره الى غرفتها مسرعه
سميره:ازيك يا كارما عامله اى
كارما: الحمدلله بقولك اى هو سليم مجبش حور عندكو او حاجه
سميره:لا هو حصل حاجه ولا اى
كارما:البت مختفيه من امبارح وسليم بيقول طردها من الشغل علشان بتتأخر مع ان البت بتقولى انها بتروح قبل الشغل بخمس دقايق ومن بعد ما طردها اختفت
سميره:اهدى وانا هحاول اعرف من سليم وبعدين هقولك
كارما:ماشى بجد شكرا ليكى اوى
••••••••••••
اسر:ها عملتى اى
كارما:قالتلى هتكلم سليم وتعرف منه
اسر:ربنا يستر وميكونش سليم عملها حاجه علشان لو حصلت انا ممكن ارتكب جنايا فيه
كارما بخوف:خير ان شاء الله
•••••••••••
سميره:سليم استنى عايزاك
سليم:خير هتضربينى تانى
سميره:لا هسألك عن حور حور فين يا سليم
سليم:طردتها من الشركه علشان
قاطعته سميره:علشان مش ملتزم بمعادها مش علياا الكلام ده انت عارف كويس اوى ا يارا عمرها مجت فى معادها وانت كنت بتعديها اشمعنا المرادى
سليم:مين الى قالك الكلام ده
سميره بغضب:مش مهم فين حوررر يا سليم
سليم بغضب:حور هى السبب فى موت عمى ياسين
سلوى بصدمه:اى انت بتقول اى
سميره:أنت عارف انت بتقول اى
سليم:اه عارف هى رد سجون وقتلت عمى ومش بعيد تكون خافيه روح وانا لازم اعرف منها كل حاجه
سميره بغضب:عملت فيهاااا اى
سليم:بخليها تاخد جزئها وتتعاقب على غلطها
سلوى:موتهااا
سليم:الموت رحمه ليها وانا عايز اعذبها بس ومحدش فيكو هيدخل
سميره:بكره تندم على بتعملو يابنى لو طلعت بريئه
سليم بغضب:مش بريئه كفايا بقى دى بتخدعكو وهى شيطانه
سميره:ربنا يستر
وذهبت سميره لاخبار كارما بما عرفت وانها تعرف ان كارما لان تصمت ابدا
••••••••••••
وهما جالسين خائفين على روح جاء اتصال لكارما
كارما:دى سميره بتتصل
اسر:ردى بسرعه
كارما:الو يا سميره
وحكت سميره كل شئ لكارما
كارما بصدمه:اى
اسر:فى اى
يتبع............
